୧- ଘରେ ଯଦି କାଠରେ ପ୍ରସ୍ତୁତ କିଛି ଜିନିଷ ରଖିଛନ୍ତି ତେବେ ଏହାଦ୍ଵାରା ସୃଷ୍ଟି ହେଉଥିବା ବାସ୍ତୁଦୋଷ ବିଷୟରେ ଜାଣନ୍ତୁ । ବାସ୍ତୁ ଜ୍ୟୋତିଷ ଉପାୟ ମଣିଷ ଜୀବନରେ କେବଳ ଆଖ ପାଖର ବାତାବରଣ, ପରିବେଶର ପ୍ରଭାବ ପଡ଼େନାହିଁ । ବରଂ ମାଟିର ସେହି ଭୂଖଣ୍ଡ ଏବଂ ତାହା ଉପରେ ତିଆରି ହୋଇଥିବା ବାସଗୃହର ମଧ୍ୟ ପ୍ରଭାବ ପଡ଼ିଥାଏ । ପ୍ରାଚୀନ କାଳର ଋଷି ମନୀଷିମାନେ ଏହି ତଥ୍ୟ ସହିତ ଭଲଭାବେ ପରିଚିତ ଥିଲେ । ସେଥିପାଇଁ ସେମାନେ ଗୃହ ନିର୍ମାଣ କଳାକୁ ବାସ୍ତୁବିଜ୍ଞାନ ସହିତ ସଂଶ୍ଲିଷ୍ଟକରି ରଖିଥିଲେ ଏବଂ ଚାରିଉପବେଦ ମଧ୍ୟରୁ ‘ସ୍ତାପତ୍ୟବେଦ’ ନାମରେ ଏକ ସ୍ୱତନ୍ତ୍ର ବେଦ ରଚନା କରିଥିଲେ ।
ଏହି ସ୍ତାପତ୍ୟ ବେଦର ଆଧାର ଉପରେହିଁ ଆମର ଅନେକ ମନ୍ଦିର ଏବଂ ଅନେକ ଐତିହାସିକ ଭବନ ନିର୍ମିତ ହୋଇଥିଲା । ସେଗୁଡ଼ିକ ମଧ୍ୟରୁ ଅନେକ ଏବେ ମଧ୍ୟ ମୁକସାକ୍ଷୀ ସ୍ୱରୂପ ଦଣ୍ଡାୟମାନ । ଏହିସବୁ ନିର୍ମାଣ ମଧ୍ୟରେ ପ୍ରବେଶକଲେ ବ୍ୟକ୍ତିଅପରି ମିତ ସୁଖଶାନ୍ତି ଅନୁଭବ କରିଥାଏ । ଭାରତୀୟ ସଂସ୍କୃତିରେ ଭବନ ନିର୍ମାଣ କଳାକୁ ଏକ ଧାର୍ମିକ କାର୍ଯ୍ୟବୋଲି ମନେ କରାଯାଇ ଏହାକୁ ଜୀବନର ପୁରୁଷାର୍ଥ ଚତୁଷ୍ଟୟ ମଧ୍ୟରେ ଗଣନା କରାଯାଇଛି । ‘ବୃହତ୍ ପାରାଶରି ସମ୍ପୂର୍ଣ୍ଣ ବାସ୍ତୁବିଜ୍ଞାନ ରେ ଭବନ ନିର୍ମାଣ ଉଦେ୍ଦଶ୍ୟକୁ ସ୍ପଷ୍ଟ କରିବାକୁ ଯାଇ କୁହାଯାଇଛି ଯେ- ସ୍ତ୍ରୀ ପୁତ୍ରାଦିକ ଭୋଆରଣ୍ୟ ଜନନଂ ଧର୍ମାର୍ଥ କାମପୁରମ୍ ଜନ୍ତୁ ନାମୟନଂ ସୁଖାସ୍ୟ ମିଦଂ ଶୀତାମ୍ବୁ ଧର୍ମାହମ୍’ ସମସ୍ତଙ୍କ ଘରେ କାଠରେ ତିଆରି ଜିନିଷ ରଖିଥାନ୍ତି ।
କିନ୍ତୁ କାଠରେ ତିଆରି କେଉଁ ଜିନିଷ ଘରେ ରଖିବା ଉଚିତ ଓ କେଉଁ ଜିନିଷ ନ ରଖିବା ଉଚିତ୍, ତାହା ମଧ୍ୟ ବାସ୍ତୁ ଅନୁସାରେ ଧ୍ୟାନ ଦେବା ବା ଜାଣିବା ଜରୁରୀ ଅଟେ । କାରଣ କାଠ ଜିନିଷରେ ମଧ୍ୟ ବାସ୍ତୁଦୋଷ ସୃଷ୍ଟି ହେବାର ସମ୍ଭାବନା ଥାଏ । ଆସନ୍ତୁ ଜାଣିବା କାଠରେ ତିଆରି ଜିନିଷରେ କି ପ୍ରକାର ବାସ୍ତୁ ଦୋଷ ସୃଷ୍ଟି ହେଉଛି । ୧- ଗୋଲାପ ଗଛର କାଠ- ଘରେ ଗୋଲାପ ଗଛର କାଠ ରଖିଲେ ଶୁଭ ହୋଇଥାଏ । ଅନେକ ଲୋକମାନେ ଏହି କାଠରେ ମୂର୍ତ୍ତି ତିଆରି କରି ମଧ୍ୟ ରଖନ୍ତି । କିନ୍ତୁ ଧ୍ୟାନ ରଖିବାକୁ ହେବ ଯେ ଗୋଲାପ ଗଛର କାଠରେ ଭଗବାନ ଶ୍ରୀ ଗଣେଶ, ଶ୍ରୀ ହନୁମାନ ଓ ଶ୍ରୀକୃଷ୍ଣ ରାଧାଙ୍କର ମୂର୍ତ୍ତି ହିଁ ରଖିବା ଉଚିତ୍ । ମୂର୍ତ୍ତି ଛୋଟ ହେବା ଓ ଯେ କୌଣସି ଗୋଟିଏ ମୂର୍ତ୍ତି ରଖିବା ଆବଶ୍ୟକ ।
ଏହି ମୂର୍ତ୍ତିକୁ ପୂଜା ପାଇଁ ନୁହେଁ ଏହା ଘରର ଶୋଭା ବଢାଇବାକୁ ରଖାଯାଏ । ୨- କଦମ୍ବ ଗଛର କାଠ- ଘର ସଜେଇବା ପାଇଁ ଯେ କୌଣସି ଜିନିଷ କଦମ୍ବ ଗଛର କାଠରେ ତିଆରି କରି ରଖିପାରିବେ । ଯେପରିକି ହାତୀ, ହଂସ, ବୁଦ୍ଧଦେବଙ୍କ ମୃତ୍ତି, ଟାଙ୍ଗୀବା ପାଇଁ ଡାଳ ପତ୍ର, ଟୋକେଇ, ଘୋଡା, ପାନବାକ୍ସ, ଫୁଲଦାନୀ ଆଦି ଏହି କାଠରେ ତିଆରି କରି ରଖିପାରିବେ । ଉଲ୍ଲେଖ ଅଛିଯେ ଯଦି ଘରେ ରୂପାରେ ତିଆରି ହାତୀ ରଖିଛନ୍ତି ତେବେ ଏହି କାଠରେ ଜିନିଷ ନ ରଖିବା ଉଚିତ୍ । ୩- ଶାଗୁଆନ ଓ ଶିଶୁ କାଠ- ବାବୁଲ, ଷ୍ଟିଲ୍, ପ୍ଲାଇଉଡର ସୋଫାସେଟ୍ ମଧ୍ୟ ଘରେ ରଖିଥାନ୍ତି । ବିଶେଷ କରି ସୋଫା, ପଲଙ୍କ ବା ଖଟ ଶାଗୁଆନ ଓ ଶିଶୁ କାଠରେ ଭଲ ହୁଏ । ସେହିପରି ଡାଇନିଙ୍ଗ ସେଟ୍, ସାଇନ ବୋର୍ଡ, ଆଲମୀରା, ବାକ୍ସ, ଛୋଟ ଛୋଟ ଡବା, ଟ୍ରେ, ପେନ ଷ୍ଟାଣ୍ଡ ଆଦି ସବୁ ଜିନିଷ ଶିଶୁ କାଠରେ ଭଲ ହୋଇଥାଏ ।
ପୂଜା କରିବା ସ୍ଥାନରେ ମଧ୍ୟ ଶାଗୁଆନ ଓ ଶିଶୁ କାଠର ତିଆରି ଆସ୍ଥାନ କରିଲେ ବହୁତ ଭଲ ହୁଏ । ଯଦି ଘରର ସିଢି ବା ଚଟାଣ କାଠରେ କରିବାକୁ ଇଛା କରୁଛନ୍ତି ତେବେ ଏହି ଶାଗୁଆନ ଓ ଶିଶୁ କାଠରେ କରିବା ଉଚିତ୍ । ୪-ଚନ୍ଦନ କାଠ- ପୂଜା ପାଇଁ ଏହା ଖଣ୍ଡେ ଦରକାର ହୁଏ । ପ୍ରତିଦିନ ଚନ୍ଦନ ଘୋରିଲେ ଘରେ ବାସ୍ନା ହୁଏ । ମୁଣ୍ଡରେ ତିଳକ ବା ଟୀକା ଲଗାଇଲେ ଶାନ୍ତି ମିଳିଥାଏ । ଯେଉଁ ସ୍ଥାନରେ ସବୁଦିନ ଚନ୍ଦନ ଘଷାଯାଏ ଓ ଗରୁଡ ଘଣ୍ଟିର ଶବ୍ଦ ଶୁଣାଯାଏ ସେଠାର ବାତାବରଣ ସବୁବେଳେ ଶୁଦ୍ଧ ଓ ପବିତ୍ର ରହିଥାଏ । ଧ୍ୟାନ ରଖିବାକୁ ହେବ ଯେ ଚନ୍ଦନ କାଠର ଯେ କୌଣସି ଫର୍ନୀଚର ଘରେ ନ ରଖିବା ଉଚିତ୍, କାରଣ ଚନ୍ଦନ ଏକ ପବିତ୍ର କାଠ ଓ ଶୁଭ ମଧ୍ୟ ହୋଇଥାଏ ।
୫- ବାଉଁଶ କାଠ- ଘରେ ବାଉଁଶରେ ତିଆରି ଫୁଲଦାନୀ ବା ଗଛ ଅତ୍ୟନ୍ତ ଶୁଭ ବୋଲି କୁହାଯାଏ । ଏହା ବ୍ୟତୀତ ବାଉଁଶରେ ତିଆରି ବଇଁଶି ମଧ୍ୟ ଘରେ ରଖିପାରିବେ । ଏହି ବଇଁଶି ଭଗବାନ ଶ୍ରୀକୃଷ୍ଣଙ୍କର ଅତିପ୍ରିୟ ଅଟେ । ଯେଉଁ ଘରେ ବାଉଁଶରେ ତିଆରି ବଇଁଶି ରହିଥାଏ, ସେହି ଘରେ ପରସ୍ପର ମଧ୍ୟରେ ଶ୍ନେହ ପ୍ରେମ ବୃଦ୍ଧି ହୁଏ ଓ ସୁଖ ସମୃଦ୍ଧି ମଧ୍ୟ ମିଳିଥାଏ । ଏହି ବଇଁଶିକୁ ଉନ୍ନତି ଓ ପ୍ରଗତି ର ସୂଚକ ବୋଲି କୁହାଯାଇଛି । ଏହା ଘରର ବାସ୍ତୁଦୋଷ ମଧ୍ୟ ଦୂର କରିଥାଏ । ବାଉଁଶରେ ତିଆରି ବଇଁଶିର ଅହମିୟତା ବହୁତ ଅଧିକ ଅଟେ । ଘରର ମୁଖ୍ୟ କବାଟ ପାଖରେ ଦୁଇଟି ବଇଁଶିକୁ ଯୋଡି (+ ଚିହ୍ନ ଭଳି) ଲଗାଇଲେ ଘରର କଷ୍ଟ ଦୂର ହୋଇଯାଏ ।
