ବାସ୍ତୁ ଶାସ୍ତ୍ରରେ ଅନେକ ପ୍ରକାର ଉପାୟ ଲେଖାଯାଇଛି । ଯଦି ସେହି ଉପାୟକୁ ଧ୍ୟାନରେ ରଖି ନୂଆ ଘର ତିଆରି କରିବେ ତେବେ ଘରର ସଦସ୍ୟଙ୍କ ଉପରେ ସର୍ବଦା ମାତା ଲକ୍ଷ୍ମୀ ଦେବୀଙ୍କ କୃପା ମିଳିବ । ଆସନ୍ତୁ ଜାଣିବା ବାସ୍ତୁ ଶାସ୍ତ୍ରର ବିଶେଷ କଥା ଯାହାକି ଘର ତିଆରି କରିବା ବେଳେ ଧ୍ୟାନ ରଖିବା ଉଚିତ୍ । ବାସ୍ତୁ ଶାସ୍ତ୍ରରେ ଦିଗ ପ୍ରତି ବିଶେଷ ମହତ୍ଵ ଦିଆଯାଇଛି । ଜ୍ୟୋତିଷ ଶାସ୍ତ୍ର ଅନୁସାରେ ଉତ୍ତର ଦିଗ ଭଗବାନ କୁବେରଙ୍କର ସ୍ଥାନ ହୋଇଥାଏ, ଯାହା କି ଧନ ଓ ଯଶ ପ୍ରତୀକ ଅଟେ ।
ମାନ୍ୟତା ଅଛି କି ଯଦି ଘର ତିଆରି କରିବା ସମୟରେ ଉତ୍ତର ଦିଗର ବାସ୍ତୁ ଠିକ୍ ଅଛି ତେବେ ଘରର ସଦସ୍ୟଙ୍କର ବହୁତ ଉନ୍ନତି ହୋଇଥାଏ । ବ୍ୟବସାୟ ଓ କର୍ମ କ୍ଷେତ୍ରରେ ବହୁତ ଲାଭ ମିଳିଥାଏ । ଧନ ଧାନ୍ୟରେ ଗୃହ ପରିପୂର୍ଣ୍ଣ ହୋଇଯାଏ । ପରିବାରର ସଦସ୍ୟଙ୍କର ସ୍ୱାସ୍ଥ୍ୟ ଭଲ ରହେ । ଆସନ୍ତୁ ଜାଣିବା ବାସ୍ତୁ ଶାସ୍ତ୍ରରେ ଉତ୍ତର ଦିଗ ପାଇଁ କେଉଁ କେଉଁ ମହତ୍ଵପୂର୍ଣ୍ଣ ସିଦ୍ଧାନ୍ତ ଦିଆଯାଇଛି । ଯାହା ଘର ତିଆରି କରିବା ସମୟରେ ସେହି ଦିଗ ପ୍ରତି ଧ୍ୟାନ ରଖିବା ଉଚିତ୍ ।
ବାସ୍ତୁ ଶାସ୍ତ୍ରରେ କୁହାଯାଇଛି କି ଘରର କାନ୍ଥରେ ଯଦି କିଛି ଫାଟ ଦେଖାଯାଉଛି ତେବେ ଏହା ବହୁତ ଅଶୁଭ ସଂକେତ ଅଟେ । ଏହା ଦ୍ଵାରା ପରିବାରର ସଦସ୍ୟଙ୍କ ମଧ୍ୟରେ ମତଭେଦ ସୃଷ୍ଟି ହୋଇପାରେ । ସେଥିପାଇଁ ଉତ୍ତର ଦିଗର କାନ୍ଥକୁ ବାରମ୍ବାର ଦେଖିବା ଆବଶ୍ୟକ ଯେପରି ସେହି କାନ୍ଥରେ କୌଣସି ଫାଟ ସୃଷ୍ଟି ହୋଇ ନଥିବ ।
ବାସ୍ତୁ ଅନୁସାରେ ଘରର ଉତ୍ତର ଦିଗରେ ପାଣି କଳ ବା ପାଣି ମଟର ରଖିବେ ନାହିଁ । ଏଥିରେ ଘରର ଆର୍ଥିକ ସ୍ଥିତିରେ ବାଧା ଦେଖାଦିଏ । ଉତ୍ତର ଦିଗରେ ଗାଧୋଇବା ଘର ବା ପାଇଖାନା କଦାପି କରିବେ ନାହିଁ । ଏହା ଭବିଷ୍ୟତରେ ଅନେକ ସମସ୍ୟାର ସାମ୍ନା କରିବାକୁ ପଡିଥାଏ । ଏହା ବ୍ୟତୀତ ଘରର ଉତ୍ତର ଦିଗରେ ରୋଷେଇ ଘର ନ କରିବା ଉଚିତ୍ । ଏଥିରେ ପରିବାରର ଶାନ୍ତିରେ ବାଧା ସୃଷ୍ଟି ହୁଏ ।
ଘରର ଉତ୍ତର ପୂର୍ବ ଦିଗରେ ଅଣ୍ଡରଗ୍ରାଉଣ୍ଡ ପାଣିଟାଙ୍କି ତିଆରି କରିପାରିବେ । ଏହା ବହୁତ ଶୁଭ ହୁଏ । ବାସ୍ତୁ ଶାସ୍ତ୍ରରେ ଏହି କଥା ଉଲ୍ଲେଖ ହୋଇଛି ଯେ ଉତ୍ତର ଦିଗରେ ପୂଜା ସ୍ଥାନ ବା ଠାକୁର ଘର ତିଆରି କରିଲେ ପରିବାରରେ ଶାନ୍ତି ମିଳିଥାଏ ଓ ଆର୍ଥିକ ସ୍ଥିତି ମଜବୁତ ହୋଇଥାଏ । ବାସ୍ତୁ ଶାସ୍ତ୍ରରେ ଘର ଭିତରେ ଯେ କୌଣସି ଜଙ୍ଗଲି ପଶୁର ଫଟୋ ନ ଲଗାଇବା ଉଚିତ୍ । ଏହା ବହୁତ ଅଶୁଭ ହୋଇଥାଏ ବୋଲି କୁହାଯାଏ ।
ମାନ୍ୟତା ଅନୁସାରେ ଉତ୍ତର ଦିଗରେ ଭଗବାନ କୁବେର ବାସ କରନ୍ତି । ସେହି କାରଣରୁ ଉତ୍ତର ମୁଖୀ ଭବନରେ ଉତ୍ତର ଆଡକୁ ଖୋଲା ଜାଗା ଛାଡିବା ଉଚିତ୍ । ଏହା ବହୁତ ଶୁଭ ମନାଯାଏ । ଏପରି କଲେ ଘରେ କଦାପି ଧନ ଅଭାବ ହୁଏ ନାହିଁ । ଘରର ଉତ୍ତର ଦିଗରେ ଖୋଲା ସ୍ଥାନ ରହିବା ଉଚିତ୍, ଯାହା କି ସକାରାତ୍ମକ ଊର୍ଜା ସଞ୍ଚାର ହୋଇଥାଏ । ଉତ୍ତର ଦ୍ଵାରର ଡାହାଣ ପାଟରେ ତୁଲସୀ ଚଉରା ଅତ୍ୟନ୍ତ ଶୁଭ କାରକ ।
