ଜ୍ୟୋତିଷ ଶାସ୍ତ୍ରାନୁସାରେ ଜୁଲାଇ ମାସରେ ୪ଟି ଗ୍ରହଙ୍କର ରାଶି ପରିବର୍ତ୍ତନ ହେଉଥିବାରୁ ଏହି ମାସଟି ବହୁତ ମହତ୍ଵପୂର୍ଣ୍ଣ ବୋଲି କହିଛନ୍ତି । ଏହି ମାସରେ ବୁଧଗ୍ରହ ରାଶି ପରିବର୍ତ୍ତନ କରିବେ । ଏହି ଜୁଲାଇ ମାସରେ ବୁଧଗ୍ରହ ଦୁଇଥର ରାଶି ପରିବର୍ତ୍ତନ କରିବେ । ବୁଧଗ୍ରହ ଜୁଲାଇ ୭ତାରିଖରେ ମିଥୁନ ରାଶିରେ ପ୍ରବେଶ କରିବେ ଓ ପୁଣି ଜୁଲାଇ ୨୫ତାରିଖରେ କର୍କଟ ରାଶିରେ ପ୍ରବେଶ କରିବେ । କର୍କଟ ସଂକ୍ରାନ୍ତି ଦିନ ବା ଜୁଲାଇ ୧୬ତାରିଖରେ ରବି ଚନ୍ଦ୍ରଙ୍କର ରାଶି କର୍କଟ ରାଶିରେ ପ୍ରବେଶ କରିବେ ।
ଏହି ରାଶିରେ ଏକମାସ ପର୍ଯ୍ୟନ୍ତ ରହିବେ । ରବିଙ୍କ ପରେ ସୁଖ ଓ ବୈଭବ କାରକ ଗ୍ରହ ୧୭ ତାରିଖ ଶନିବାର ଶୁକ୍ରଗ୍ରହ ସିଂହ ରାଶିରେ ପ୍ରବେଶ କରିବେ । ଜୁଲାଇ ୨୦ତାରିଖରେ ମଙ୍ଗଳ ଗ୍ରହ ସିଂହ ରାଶିରେ ପ୍ରବେଶ କରିବେ । ଏହି ୪ଟି ଗ୍ରହଙ୍କର ରାଶି ପରିବର୍ତ୍ତନ ହେତୁ ୪ଟି ରାଶିର ବ୍ୟକ୍ତିମାନଙ୍କ ପାଇଁ ବହୁତ ଶୁଭପ୍ରଦ ହେବ । ଏହି ରାଶିର ଜାତକକୁ ବହୁତ ଭଲ ପରିଣାମ ମିଳିବ । ଏହି ରାଶି ଗୁଡିକ ହେଲା-
ସିଂହ- ଅଟକିଥିବା ଧନ ମିଳିପାରେ । ସାଙ୍ଗ ଓ ପରିବାର ଜନଙ୍କର ସଂପୂର୍ଣ୍ଣ ସହଯୋଗ ମିଳିବ । ଛୋଟ ବା ଲମ୍ବା ଯାତ୍ରା କରିବାର ସମ୍ଭାବନା ଅଛି । ଯାତ୍ରାରେ ଲାଭଦାୟକ ହେବ । ମିଡିଆ, ସଙ୍ଗୀତ, କଳା ଜଗତରେ ଜଡିତ ଲୋକମାନଙ୍କର ଏହି ସମୟରେ ଶୁଭ ହେବ । ଯେ କୌଣସି ବଡ ପଦକ୍ଷେପ ନେବା ପୂର୍ବରୁ ଶୁଭଚିନ୍ତକଙ୍କର ପରାମର୍ଶ ନେବାକୁ ଭୁଲନ୍ତୁ ନାହିଁ । ପ୍ରେମ ସମ୍ବନ୍ଧରେ ପ୍ରଗାଢତା ହେବ । ନୂଆ ନୂଆ ବ୍ୟବସାୟିକ ସଂପର୍କସ୍ଥାପନ ଭାଗିଦାର ବ୍ୟବସାୟ ପାଇଁ ସାହାଯ୍ୟ ସହଯୋଗ ଅଚାନକ ମିଳିବ । ପୈତୃକ ସମ୍ପତ୍ତିକୁ ନେଇ ପାରିବାରିକ ଦ୍ଵନ୍ଦ ମେଣ୍ଟିଯିବ ଓ ମାନସିକ ଏକାଗ୍ରତା ବଜାୟ ରହିବ ।
କନ୍ୟା- ଲମ୍ବା କାର୍ଯ୍ୟ ପୂରଣ ହେବ । କ୍ୟାରିୟର ଓ ବ୍ୟବସାୟରେ କରାଯାଇଥିବା ପ୍ରୟାସରେ ସଫଳ ହେବେ । ଧାର୍ମିକ ଓ ସାମାଜିକ କାର୍ଯ୍ୟରେ ଆଗ୍ରହ ପ୍ରକାଶ କରିବେ । ଭୂମି ଭବନ ସମ୍ପତ୍ତି ସହିତ ଜଡିତ ମାମଲାର ବିଚାର ଆପଣଙ୍କ ସପକ୍ଷରେ ରହିବ । ଏହି ମାସରେ ଶାସକ ଦଳର ଓ ସୌଭାଗ୍ୟର ପୂର୍ଣ୍ଣ ସମର୍ଥନ ମିଳିବ । ଏକ ନିର୍ଦ୍ଦିଷ୍ଟ ବ୍ୟକ୍ତିଙ୍କ ସାହାଯ୍ୟରେ ଆର୍ଥିକ ଲାଭ ହେବା ସହିତ ସାମାଜିକ ପ୍ରତିଷ୍ଠା ମଧ୍ୟ ବୃଦ୍ଧି ପାଇବ । ରାଜନୀତି କ୍ଷେତ୍ରରେ କାର୍ଯ୍ୟ କରୁଥିବା ବ୍ୟକ୍ତିମାନେ ଏକ ବଡ ପଦ କିମ୍ବା ବଡ ଦାୟିତ୍ଵ ପାଇପାରିବେ । ଏହି ସମୟରେ ସୁଖ ସୁବିଧା ହେତୁ ଜିନିଷ କିଣିବା ପାଇଁ ଟଙ୍କା ଖର୍ଚ୍ଚ କରିବେ ।
ତୁଳା- ଯାତ୍ରାରେ ଲାଭକାରୀ ସିଦ୍ଧ ହେବ । ପ୍ରୟାସରେ ସଫଳତା ମିଳିବ । ଯେଉଁମାନେ ରାଜନୀତି ସହିତ ଜଡିତ ସେମାନଙ୍କର ଯୋଜନା ସଫଳ ହେବ । ଜଣେ ପ୍ରଭାବଶାଳି ବ୍ୟକ୍ତିଙ୍କ ସହିତ ସାକ୍ଷାତ ହେବା ଦ୍ଵାରା ତାହା ବନ୍ଧୁତ୍ଵରେ ପରିଣତ ହେବ । ବିପରୀତ ଲୀଙ୍ଗ ପ୍ରତି ଆକର୍ଷଣ ବୃଦ୍ଧି ପାଇବ । ପ୍ରେମ ସମ୍ପର୍କ ହେଉ କିମ୍ବା ଦାମ୍ପତ୍ୟ ଜୀବନ ସମ୍ପର୍କ ପ୍ରତି ସଂପୂର୍ଣ୍ଣ ସଚ୍ଚୋଟ ରୁହନ୍ତୁ ।
ମୀନ- ଆପଣ ସଫଳତା ପାଇଁ ସୁଯୋଗ ପାଇବେ । କର୍ମକ୍ଷେତ୍ରରେ ସହକର୍ମୀଙ୍କ ପୁରା ସହଯୋଗ ମିଳିବ । ପୂର୍ବରୁ କରାଯାଇଥିବା ବିନିଯୋଗରୁ ଲାଭ ପାଇବେ । ବିପରୀତ ଲୀଙ୍ଗ ପ୍ରତି ଆକର୍ଷଣ ବୃଦ୍ଧି ପାଇବ । କୌଣସି ବ୍ୟକ୍ତି ବିଶେଷଙ୍କ ସହିତ ଭେଟ ହେବା ପରେ ମିତ୍ରତାରେ ପରିଣତ ହେବ ଏବଂ ପରେ ପ୍ରେମ ସମ୍ପର୍କରେ ପରିଣତ ହୋଇପାରେ । ପୂର୍ବରୁ ହୋଇଥିବା ପ୍ରେମ ସମ୍ପର୍କରେ ପ୍ରେମ ସାଥିଙ୍କ ସହିତ ସମୟ ଅତିବାହିତ କରିବାର ଏକ ସୁଯୋଗ ମିଳିବ ।
ଯଦି ଆପଣଙ୍କୁ ଆମର ଏଇ ଆର୍ଟିକିଲ୍ ଟି ପସନ୍ଦ ଆସିଥାଏ ତେବେ ଲାଇକ ଓ ଶେୟାର କରିବାକୁ ଭୁଲିବେ ନାହିଁ । ଆଗକୁ ଆମ ସହିତ ରହିବା ପାଇଁ ପେଜକୁ ଲାଇକ କରନ୍ତୁ ।
