ଯଦି ବହୁତ ଦିନ ପର୍ଯ୍ୟନ୍ତ ରୋଗରେ ପୀଡିତ ହେଉଛନ୍ତି ତେବେ ଲାଲ୍ କିତାବ ଅନୁସାରେ ସ୍ୱାସ୍ଥ୍ୟ ପାଇଁ ୧୪ଟି ଉପାୟ ବ୍ୟବହାର କରନ୍ତୁ । ଲାଲ୍ କିତାବ ଅନୁସାରେ ସବୁଠାରୁ ଜରୁରୀ ହେଉଛି ନିଜ କର୍ମକୁ ଶୁଦ୍ଧ ରଖିବା ଓ ନିୟମ ଅନୁଶାସନ ଦ୍ଵାରା ଜୀବନଯାପନ କରିବା । ଯଦି ଆପଣ ବା ଘରର କେଉଁ ସଦସ୍ୟ ସର୍ବଦା ରୋଗରେ ପୀଡିତ ରହୁଛନ୍ତି ତେବେ ଲାଲ୍ କିତାବ ପୁସ୍ତକରେ କେତେକ ଉପାୟ ରହିଛି । ସେହି ଉପାର ଦ୍ଵାରା ରୋଗରୁ ମୁକ୍ତ ହୋଇପାରିବେ ।
ଧ୍ୟାନ ରଖିବାକୁ ହେବ ଯେ ଏହି ଉପାୟ କରିବା ପୂର୍ବରୁ ଜଣେ ବିଶେଷଜ୍ଞଙ୍କ ପରାମର୍ଶ ନେଇ କାର୍ଯ୍ୟ କରିବାକୁ ହେବ । ସବୁପରେ ଚିକିତ୍ସକଙ୍କ ପରାମର୍ଶ ନେଇ ଔଷଧ ସେବନ କଲେ ରୋଗରୁ ଉପସମ ପାଇବେ । କାରଣ ଏହିଉପଚାର ଦ୍ଵାରା ଗ୍ରହପୀଡା ନିବାରଣ ହେବା ଫଳରେ ଔଷଧ ଠିକ୍ କାମ କରିବ ।
୧- ପ୍ରତିଦିନ ଗାଈ, କୁକୁର ଓ କାଉମାନଙ୍କୁ ମିଠା ରୋଟି ଖାଇବାକୁ ଦିଅନ୍ତୁ । ଗୋଟିଏ ରୋଟି ଆଣି ପୀଡିତ ଥିବା ରୋଗୀଙ୍କ ଉପରେ ବୁଲାଇ ଆଣି ରୋଟିକୁ କୁକୁରକୁ ଖାଇବାକୁ ଦିଅନ୍ତୁ । ଏପରି କଲେ ଆକସ୍ମିକ ସଙ୍କଟ ଦୂରେଇ ଯାଏ ।
୨- ବ୍ଲଡ ପ୍ରେସର, ସ୍ନାୟୁ ଓ ମନର ଭୟ କୁ ଦୂର କରିବା ପାଇଁ ରାତିରେ ଶୋଇବା ସମୟରେ ଏକ ତମ୍ବା ପାତ୍ରରେ କିଛି କ୍ଷୀର ବା ପାଣି ଭର୍ତ୍ତି କରି ନିଜ ମୁଣ୍ଡ ପାଖରେ ରଖନ୍ତୁ । ତାପର ଦିନ ସକାଳେ ଉଠି ସ୍ନାନ କରିବା ପରେ ସେହି କ୍ଷୀର ବା ପାଣିକୁ ଯେ କୌଣସି ଗଛ ମୂଳରେ ଢାଳି ଦିଅନ୍ତୁ । ଏହାକୁ ୪୩ଦିନ ପର୍ଯ୍ୟନ୍ତ କରିବାକୁ ହେବ ।
୩- ବୋଇତି କଖାରୁ, କଦଳୀ ଓ ମୁଗଡାଲି କିଛି ଗୁରୁବାର ଦିନ ଯେ କୌଣସି ମନ୍ଦିରରେ ଦାନ କରନ୍ତୁ ।
୪- କାନ ରୋଗ ପାଇଁ କଳା ବା ଧଳା ରଙ୍ଗର କପଡାରେ କଳା ବା ଧଳା ରଙ୍ଗର ରାଶି ରଖି ବାନ୍ଧିଦିଅନ୍ତୁ । ଏହାକୁ ଏକ ନିର୍ଜନ ଶୁନସାନ ସ୍ଥାନରେ ବା ଜଙ୍ଗଲରେ ଗାତ ଖୋଲି ପୋତି ଦିଅନ୍ତୁ । ଏହାପରେ ଘରକୁ ଫେରିବେ ।
୫- ସୁଗାର, ଆଣ୍ଠୁ ଗଣ୍ଠି ଦରଜ, ମୁତ୍ର ରୋଗ, ଅଣ୍ଟା ଦରଜରୁ ରକ୍ଷା ପାଇବା ପାଇଁ ଏକ କଳା ରଙ୍ଗର କୁକୁରର ସେବା କରି ଖାଇବାକୁ ଦିଅନ୍ତୁ ।
୬- କଳା ଓ ଧଳା ଦୁଇଟି ମିଶ୍ରିତ ରଙ୍ଗର କମ୍ବଳ ରୋଗୀ ଚାରିପାଖରେ ୨୧ଥର ବୁଲାଇ ଯେ କୌଣସି ଅସହାୟକୁ ଦାନ କରନ୍ତୁ । ଏହି ଉପାୟରେ ରୋଗ ଦୂର ହୋଇଯାଏ ।
୭- ଏକ ପାଣିଥିବା ନଡିଆ ଆଣି ରୋଗୀ ଉପରେ ୨୧ ଥର ବୁଲାଇବେ, ଏହାପରେ କୌଣସି ଦେବସ୍ଥାନ ବା ଘରର ବାହାରେ ନେଇ ନଡିଆକୁ ଜଳେଇ ଦିଅନ୍ତୁ । ୫ଟି ଶନିବାର ଏହିପରି କଲେ କଷ୍ଟରୁ ମୁକ୍ତି ମିଳିବ । ଯଦି ପରିବାରର ଅନ୍ୟ ସଦସ୍ୟ ରୋଗରେ ପୀଡିତ ଅଛନ୍ତି ତେବେ ମଧ୍ୟ ଏହି ଉପାୟ କରିପାରିବେ ।
୮- ଏକ କଂସା ପାତ୍ରରେ ସୋରିଷ ତେଲ ରଖି ସେଥିରେ ଏକ ପଇସା ପକାଇବେ । ଶନିବାର ଦିନ ସେହି ତେଲରେ ନିଜର ଛବିକୁ ଦେଖିବେ ଓ ସେହି ତେଲକୁ ଦାନ କରିବେ । କିମ୍ବା ଶନିବାର ଦିନ ଶନି ମନ୍ଦିରରେ ରଖିକରି ଆସିବେ ।
୯- ଶୁକ୍ରବାର ଦିନ ଏକ କାଠ ପିଢାରେ ବସି ଦହିରେ ସ୍ନାନ କରିଲେ ଚରମ ରୋଗରୁ ଉପସମ ମିଳେ ।
୧୦- ପ୍ରତିଦିନ ସକାଳେ ଓ ସନ୍ଧ୍ୟା ସମୟରେ କର୍ପୁର ଆଳତି ନିଶ୍ଚୟ କରନ୍ତୁ ।
୧୧- ପ୍ରତିଦିନ ସନ୍ଧ୍ୟା ସମୟରେ ଶ୍ରୀ ହନୁମାନ ଚାଳିଶା ପଢିବା ଉଚିତ୍ । ଏହି ଚାଳିଶା ପାଠ କରିଲେ ପିତୃଦୋଷ, ମଙ୍ଗଳଦୋଷ, ରାହୁ ଓ କେତୁ ଦୋଷ ଆଦି ଦୂର ହୋଇଥାଏ ଓ ଭୁତ ପ୍ରେତଙ୍କ ଖରାପ ପ୍ରଭାବ ଓ ଛାୟା ମଧ୍ୟ ଦୂର ହୋଇଯାଏ । ପବିତ୍ର ଆତ୍ମା ଓ ଶାନ୍ତିପୂର୍ଣ୍ଣ ଭାବରେ ଶ୍ରୀ ହନୁମାନ ଚାଳିଶା ପଢିଲେ ହନୁମାନଙ୍କ ଆଶୀର୍ବାଦ ପ୍ରାପ୍ତ ହୁଏ । ଯାହା କି ସବୁ ପ୍ରକାର ଅଜ୍ଞାତରୁ ରକ୍ଷା କରିଥାଏ ।
୧୨- ଯେବେବି ଶ୍ମଶାନ ବା କବର ସ୍ଥାନର ବାଟରେ ଯିବେ ସେହି ସ୍ଥାନରେ ଏକ ତମ୍ବା ପଇସା ପକାଇଦେବେ । ଏଥିରେ ଭଗବାନଙ୍କ ସାହାଯ୍ୟ ମିଳେ ।
୧୩- ଯଦି ଆଖିରେ ଯନ୍ତ୍ରଣା ହେଉଥାଏ ତେବେ ଶନିବାର ଦିନ ୪ଟି ଶୁଖିଲା ନଡିଆ ଅସହାୟଙ୍କୁ ଦାନ ଦେଇ ଦିଅନ୍ତୁ । କିଛି ଦକ୍ଷିଣା ମଧ୍ୟ ଦେବେ ।
୧୪- ରାତିରେ ଶୋଇବା ପୂର୍ବରୁ କିଛି ଟଙ୍କା ବା ପଇସା ନିଜ ମୁଣ୍ଡ ପାଖରେ ରଖି ଶୋଇବେ । ସକାଳେ ଉଠି ଏହି ଟଙ୍କାକୁ ନେଇ ସଫେଇ କର୍ମୀକୁ ଦେବେ ।
ଧ୍ୟାନ ରଖିବାକୁ ହେବ ଯେ ଏହି ଉପାୟ କରିବା ପୂର୍ବରୁ ଜଣେ ବିଶେଷଜ୍ଞଙ୍କ ପରାମର୍ଶ ନେଇ କାର୍ଯ୍ୟ କରିବାକୁ ହେବ । ସବୁପରେ ଚିକିତ୍ସକଙ୍କ ପରାମର୍ଶ ନେଇ ଔଷଧ ସେବନ କଲେ ରୋଗରୁ ଉପସମ ପାଇବେ । କାରଣ ଏହିଉପଚାର ଦ୍ଵାରା ଗ୍ରହପୀଡା ନିବାରଣ ହେବା ଫଳରେ ଔଷଧ ଥିକ୍ କମ କରିବ ।
