୨୦୨୧ ମସିହା ଇଂରାଜୀ ନବବର୍ଷ କେମିତି କଟିବ ବାରୋଟି ରାଶିର ବ୍ୟକ୍ତିମାନଙ୍କ ପାଇଁ, କଣରହିଛି ଗ୍ରହମାନଙ୍କର ଫଳାଫଳ, କେମିତି କରିବେ ଅଶୁଭ ଗ୍ରହ ମାନଙ୍କ ପାଇଁ ପ୍ରତିକାର ଆସନ୍ତୁ ଜାଣିବା । ଧନୁରେ ରବି, ବୁଧ, କର୍କଟରେ ଚନ୍ଦ୍ର, ମେଷରେ ମଙ୍ଗଳ, ମକରରେ ଗୁରୁ, ଶନି, ବିଛାରେ ଶୁକ୍ର, କେତୁ, ବୃଷରେ ରାହୁ ଥିବା ସମୟରେ ବର୍ଷଚକ୍ର ଆରମ୍ଭ ହେଉଛି । ଗୁରୁ ୨୦୨୧ମସିହା ଏପ୍ରିଲମାସ ୬ ତାରିଖରେ କୁମ୍ଭ ରାଶିକୁ ଗମନ କରିବେ । ସେପ୍ଟମ୍ବର ମାସ ୧୪ତାରିଖରେ ମକର ରାଶିକୁ ବକ୍ରୀ ହେବେ ।
ନଭେମ୍ବର ମାସ ୨୧ ତାରିଖରେ ପୁନରାୟ କୁମ୍ଭ ରାଶିକୁ ଗମନ କରି ୨୦୨୨ ମସିହା ଏପ୍ରିଲ ମାସ ୧୩ତାରିଖ ପର୍ଯ୍ୟନ୍ତ କୁମ୍ଭ ରାଶିରେ ରହିବେ । ୨୦୨୧ ମସିହାରେ ଶନି ମକର ରାଶିରେ, ରାହୁ ବୃଷ ରାଶିରେ ଓ କେତୁ ବିଛା ରାଶିରେ ଅବସ୍ଥାନ କରିବେ ।
ବୃଷ:-
୨୦୨୧ ମସିହା ଇଂରାଜୀ ନବବର୍ଷ ଆରମ୍ଭରେ ବୃଷ ରାଶି ଜାତ ମହିଳା ଓ ପୁରୁଷ ମାନଙ୍କର ରବି, ବୁଧ ଅଷ୍ଟମ ଭାବରେ, ମଙ୍ଗଳ ଦ୍ଵାଦଶ ଭାବରେ, ଗୁରୁ, ଶନି ନବମ ଭାବରେ, ଶୁକ୍ର, କେତୁ ସପ୍ତମ ଭାବରେ ଓ ରାହୁ ସ୍ଵରାଶିରେ ଅବସ୍ଥାନ କରୁଛନ୍ତି । ଯାହା ଫଳରେ ଗୁରୁ ଶୁଭଫଳ ପ୍ରଦାନ କରିବେ । ଅନ୍ୟ ଗ୍ରହମାନେ ଅଶୁଭଫଳ ପ୍ରଦାନ କରୁଥିବାରୁ ପ୍ରତିକାର କରିବା ଦ୍ଵାରା କେତେକାଂଶରେ ଶୁଭଫଳ ପାଇ ପାରିବେ । ବିଶେଷତଃ ମହାଦଶା ଅନ୍ତର୍ଦ୍ଦଶା ଶୁଭଥିଲେ ଗୋଚର ଗ୍ରହମାନଙ୍କର କୁପ୍ରଭାବ ସେତେଟା ପଡିବ ନାହିଁ ।
ବୃହସ୍ପତି ମକର ରାଶିରେ ଭାଗ୍ୟ ଭାବରେ ନିଚ୍ଚରେ ଥାଇ ଶନି ମଧ୍ୟ ସେହି ସ୍ଥାନରେ ଥିବାରୁ ଏକ ନୀଚଭଙ୍ଗ ରାଜଯୋଗ ସୃଷ୍ଟି ହୋଇଛି । ଯାହା ଫଳରେ ଭାଗ୍ୟରେ ପରିବର୍ତ୍ତନ ହେବା ସହ ଅଟକି ଥିବା ଧନ ପ୍ରାପ୍ତି ହେବ । ନିଜର ସମ୍ପର୍କୀୟଙ୍କ ଠାରୁ ଭଲ ସୁଖ ପ୍ରାପ୍ତି ହେବ । ପୈତୃକ ସମ୍ପତ୍ତି ମଧ୍ୟ ପାଇବେ । ସବୁ କ୍ଷେତ୍ରରେ ଲାଭ ମିଳିବ । ପିଲାମାନଙ୍କର ମଧ୍ୟ ଶୁଭ ହେବ । ମାତୃ ସୁଖ, ସମ୍ପତ୍ତି ସୁଖ, ଯାନବାହନ ସୁଖ ପାଇବେ । ବିଦେଶ ଯାତ୍ରା କରିପାରିବେ ଓ କାର୍ଯ୍ୟରେ ବୃଦ୍ଧି ହେବ । ପରିବାର ସଦସ୍ୟଙ୍କ ସହିତ କୌଣସି ଧାର୍ମିକ ସ୍ଥାନ ବା ଆଧ୍ୟାତ୍ମିକ ସ୍ଥାନ ପରିଦର୍ଶନ କରିପାରିବେ ।
ଅବିବାହିତମାନେ ବିବାହ କରିବାର ସୁଯୋଗ ପାଇବେ । ଶକ୍ତି ବୃଦ୍ଧି ହେବ, କଳ୍ପନା ଶକ୍ତି ମଧ୍ୟ ଆଶ୍ଚର୍ଯ୍ୟଜନକ ହୋଇପାରେ । ଅନେକ ପ୍ରକାର ଯୋଜନା କରିବେ । ଦୀର୍ଘ ଦିନ ଧରି ଯେଉଁ ଯୋଜନା ମନରେ ଥିଲା ତାହା ପୂରଣ କରିପାରିବେ । ଇଲୋକଟ୍ରୋନିକ୍ସମିଡିଆ ଓ ପ୍ରିଣ୍ଟ ମିଡିଆ ଦ୍ୱାରା ଲୋକସଂପର୍କ ବୃଦ୍ଧିହେବ । ଶତୃମାନଙ୍କ ଠାରୁ ସତର୍କ ରହିବା ଉଚିତ୍ । ନିଜର ମନର ଯୋଜନା ବିଷୟରେ କାହା ସହିତ ଆଲୋଚନା ନ କରିବା ଉଚିତ୍ । ଛାତ୍ରଛତ୍ରୀମାନେ କଠିନ ପରିଶ୍ରମ କରିବା ସହିତ ପଢ଼ା ପଢ଼ିରେ ମନଯୋଗ ଦେବେ ।
ଶିକ୍ଷା କ୍ଷେତ୍ରରେ ମାନସିକ ଏକାଗ୍ରତା ବଜାୟ ରହିବା ଯୋଗେ ଆନନ୍ଦିତ ହେବେ । ରାଜନୀତି କ୍ଷେତ୍ରରେ ଯୋଜନା ମୁତାବକ କାମ କଲେ କୌଣସି ପ୍ରକାର ଅସୁବିଧା ହେବ ନାହିଁ । ବ୍ୟବସାୟୀମାନେ ଗ୍ରାହକ ସେବାକୁ ଗ୍ରହଣ କରି ଯଶ ମାନ ବୃଦ୍ଧି ସହିତ ଉତ୍ତମ ଆୟର ପଥ ପରିଷ୍କାର କରିବେ । କେତୁଙ୍କ ଯୋଗେ ହଠାତ୍ ଧନ ପ୍ରାପ୍ତି ହୋଇପାରେ ଗୁପ୍ତ ଧନ ବା ପୈତୃକ ସମ୍ପତ୍ତି ମିଳି ଯାଇ ପାରେ । ସମାଜସେବା କାର୍ଯ୍ୟରେ ଯୋଗ ଦେଇ ଅନ୍ୟର ଦୁଃଖ ଦୁର୍ଦଶା ଦୂର କରିବାକୁ ପ୍ରୟାସ ରତ ହେବେ । ଅତି ଶୀଘ୍ର କୌଣସି ପଦକ୍ଷେପ ଗ୍ରହଣ କରନ୍ତୁ ନାହିଁ ।
ରାହୁ ଜନ୍ମରାଶିରେ ଥିବାରୁ ନକରାତ୍ମକ ପ୍ରଭାବ ସୃଷ୍ଟି ହୋଇ ପାରେ । ସ୍ୱାସ୍ଥ୍ୟ ଖରାପ ହୋଇପାରେ ଓ ବର୍ଷ ଶେଷକୁ ମିଶ୍ରିତ ଫଳ ଲାଭ ହେବ । ଶନି ନବମ ଭାବରେ ଥିବାରୁ ଆପଣ ସମ୍ମାନ ଓ ପ୍ରତିଷ୍ଠା ହରାଇ ପାରନ୍ତି । କର୍ମ କ୍ଷେତ୍ରରେ ମଧ୍ୟ ହାନି ହୋଇପାରେ । ସରକାରୀ କର୍ମଚାରୀମାନେ ଅତ୍ୟଧିକ କାର୍ଯ୍ୟ ଚାପ ଯୋଗୁ ଏବଂ କଠିନ ପରିଶ୍ରମ ହେତୁ ଶାରିରୀକ ଓ ମାନସିକ କଷ୍ଟ ଭୋଗି ପାରନ୍ତି । ଜାଗା ଜମିବାଡ଼ି ନେଇ କେତେକ ସମସ୍ୟାର ସମ୍ମୁଖୀନ ହୋଇପାରନ୍ତି, କିନ୍ତୁ ଏହାକୁ ମୁକାବିଲା କରିବାର ସାହସ ମଧ୍ୟ ପାଇବେ ।
ଅଶୁଭ ଗ୍ରହମାନଙ୍କ ପାଇଁ ପ୍ରତିକାର କରିଚାଲିଲେ କୌଣସି ବିପଦ ପାଖ ମାଡିବନି । ୧- ପ୍ରାଣପ୍ରତିଷ୍ଠିତ ସମ୍ପୂର୍ଣ୍ଣ ସର୍ବକଷ୍ଟ ନିବାରଣ ମହା ଯନ୍ତ୍ର ପୂଜା କରିବା ସହ ନିମ୍ନ ବୀଜମନ୍ତ୍ରକୁ ପ୍ରତିଦିନ ୧ ମାଳା ଜପ କରନ୍ତୁ ଔଁ ଦ୍ରାଂ ଦ୍ରୀଂ ଦ୍ରୌଂ ସଃ ଶୁକ୍ରାୟ ନମଃ । ୨- ପ୍ରତ୍ୟେକଦିନ ପକ୍ଷୀମାନଙ୍କୁ କିଛି ଦାନା ଖାଇବାକୁ ଦିଅନ୍ତୁ । ୩- ମାଆବାପା, ଗୁରୁଙ୍କୁ ପ୍ରଣାମ କରନ୍ତୁ ଓ କୁକୁରକୁ କିଛି ଖାଇବାକୁ ଦିଅନ୍ତୁ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।
