ମାତା ଲକ୍ଷ୍ମୀ କେଉଁ ଘରେ ରୁହନ୍ତି ନାହିଁ ଇନ୍ଦ୍ରଙ୍କୁ କହିଲେ- ବୈଭବ ଦେବୀ ମାତା ଲକ୍ଷ୍ମୀ ଭଗବାନ ବିଷ୍ଣୁଙ୍କ ସ୍ତ୍ରୀ ଥିଲେ । ଧନ ପାଇବା ପାଇଁ ସମସ୍ତେ ମାତା ଲକ୍ଷ୍ମୀଙ୍କୁ ପୂଜା କରନ୍ତି । କିନ୍ତୁ ଜରୁରୀ ନୁହେଁ ଯେ ସମସ୍ତଙ୍କୁ ଧନ ପ୍ରାପ୍ତି ହେବ ବା ଧନବାନ ହେବେ । ଏହାର ଉତ୍ତର ପାଇବା ପାଇଁ ଇନ୍ଦ୍ରଦେବ ନିଜେ ମାତା ଲକ୍ଷ୍ମୀଙ୍କ ପାଖକୁ ଯାଇ ପଚାରିଲେ ଯେ ମାତା ଆପଣଙ୍କୁ ସମସ୍ତେ ପୂଜା କରନ୍ତି, କିନ୍ତୁ କାହିଁକି ଜଣେ ଧନୀ ଓ ଆଉ ଜଣେ ଗରିବ ହେଉଛି ।
ଏହା ଶୁଣି ମାତା କହିଲେ ଯେ ସମସ୍ତେ ନିଜ ନିଜର କର୍ମଫଳ ଦ୍ଵାରା ଧନୀ ଗରିବ ହୋଇଥାନ୍ତି । ଯେଉଁମାନେ ମୋତେ ପୂଜା କରୁଛନ୍ତି ସେମାନଙ୍କର ମାନ ସମ୍ମାନ ରଖିଥାନ୍ତି । ଏହାର ଅର୍ଥ ଯଦି ଶୁଦ୍ଧ ମନରେ ଶ୍ରଦ୍ଧା ଭାବରେ ପୂଜା କରିବେ ନାହିଁ ତେବେ କୌଣସି ଲାଭ ମିଳିବ ନାହିଁ ।
ଏହା ଛଡା ଆଉ ଏକ କଥା ମଧ୍ୟ ମାତା ଲକ୍ଷ୍ମୀ ଇନ୍ଦ୍ରଦେବଙ୍କୁ ମଧ୍ୟ କହିଥିଲେ ଯାହା ସବୁଠାରୁ ମହତ୍ଵପୂର୍ଣ୍ଣ ଅଟେ । ଯେଉଁଘରେ ସବୁଦିନ କ୍ଲେଶର ବାତାବରଣ ରହିଥାଏ ସେହି ଘରେ ମାତା ଲକ୍ଷ୍ମୀ ବାସ କରନ୍ତି ନାହିଁ । କୌଣସି ବ୍ୟକ୍ତି ଯେତେ ପୂଜା ଅର୍ଚନା କଲେ ମଧ୍ୟ ଯେଉଁଠାରେ ଶାନ୍ତି ମିଳେ ନାହିଁ ମାତା ଲକ୍ଷ୍ମୀ ସେହିଘରେ ବାସ କରନ୍ତି ନାହିଁ ବୋଲି ଇନ୍ଦ୍ର ଦେବଙ୍କୁ କହିଥିଲେ ।
ଯେଉଁଘରେ ସୁଖ ଶାନ୍ତି ମିଳେ ଓ ପରିବାରରେ ମିଳିମିଶି ରୁହନ୍ତି ସେହି ଘରେ ମାତା ଲକ୍ଷ୍ମୀ ବାସ କରନ୍ତି । ଯେଉଁ ଘରେ ସୁଖ ଶାନ୍ତି ମିଳେ ନାହିଁ ଓ କଳି ଝଗଡା ହୁଏ ସେହି ଘରେ ମାତା ଲକ୍ଷ୍ମୀ ବାସ କରନ୍ତି ନାହିଁ ।
ସେଥିପାଇଁ ଯଦି ଆପଣ ଧନବାନ ହେବାକୁ ଚହୁଁଛନ୍ତି ତେବେ ନିଜ ଘରେ ଶାନ୍ତି ରଖନ୍ତୁ, କୌଣସି ଝଗଡା କରନ୍ତୁ ନାହିଁ, ନହେଲେ ମାତା ଲକ୍ଷ୍ମୀ ବାସ କରିବେ ନାହିଁ । ଯେଉଁଠାରେ ଗୃହସ୍ଵାମିନୀଙ୍କୁ ସମ୍ମାନ ମିଳେ ନାହିଁ, ଗୃହ ଲକ୍ଷ୍ମୀ ସେହି ଘର ଛାଡି ପଳାଇ ଯାଆନ୍ତି ।
ମାତା ଲକ୍ଷ୍ମୀ ଇନ୍ଦ୍ରଦେବଙ୍କୁ କହିଲେ ଯେ ମୋର ଆଉ ଏକ ରୂପ ଅନ୍ନ ଅଟେ । କିଛି ଲୋକମାନେ ରାଗିବା ବେଳେ ଖାଇବା ଥାଳିକୁ ଫୋପାଡି ଦିଅନ୍ତି । ଅସମ୍ମାନ କରିଥାନ୍ତି । ଏହି ଅଭ୍ୟାସ ଧନ, ବୈଭବ ଓ ପରିବାରର ସୁଖ ଶାନ୍ତିରେ ବାଧା ସୃଷ୍ଟି ହୁଏ । ଯେଉଁଠାରେ ଅନ୍ନର ଅପମାନ ହୁଏ ସେଠାରେ ମଧ୍ୟ ମାତା ଲକ୍ଷ୍ମୀ ବାସ କରନ୍ତି ନାହିଁ ।
ଆଶା କରୁଛୁ ଆପଣଙ୍କୁ ଆମର ଏହି ଲେଖା ପସନ୍ଦ ଆସୁଥିବ, ଏହିଭଳି ଅନେକ ଜ୍ୟୋତିଷ ସମ୍ବନ୍ଧୀୟ ଖବର ପାଇଁ ଆମ ପେଜକୁ ଲାଇକ କରନ୍ତୁ ।
