ଯେଉଁମାନଙ୍କର ଜାତକ ନାହିଁ, ଯେଉଁମାନେ ଭବିଷ୍ୟତ ବିଷୟରେ ଜାଣିପାରୁନାହାନ୍ତି, ଯେଉଁମାନେ ଟିକେଭଲମନ୍ଦ ବିଷୟରେ ଜାଣିବା ପାଇଁ ଆଗ୍ରହୀ, ସେମାନେ ନିଜର ନାମରୁ ରାଶି ନକ୍ଷତ୍ରର ଗୁଣ, ସ୍ଵଭାବ, ଚରିତ୍ର, ପ୍ରକୃତି, କର୍ମ, ବିଦ୍ୟା, ବ୍ୟବସାୟ ବିଷୟରେ ଜାଣି କଣକରିବେ କଣ ନ କରିବେ ସେବିଷୟରେ ଆସନ୍ତୁ ଜାଣିବା ।
ମିଥୁନ ରାଶି- ଯଦି ଆପଣଙ୍କ ନାମର ପ୍ରଥମ ଅକ୍ଷର କା, କୀ, କୁ, ଧ, ଡ, ଛ, କେ, କୋ, ହା ହୋଇଥାଏ ତେବେ ଆପଣଙ୍କ ରାଶି ମିଥୁନ ହେବ । ଆପଣଙ୍କ ରାଶିର ଚିହ୍ନ-ସ୍ତ୍ରୀ-ପୁରୁଷ ଯୁକ୍ତ, ରାଶି ସ୍ୱାମୀ-ବୁଧ, ରାଶି ତତ୍ୱ-ବାୟୁ, ରାଶି ସ୍ୱରୂପ-ଦ୍ୱିସ୍ୱଭାବ, ରାଶି ଦିଗ-ପଶ୍ଚିମ । ରାଶି ଗୁଣ-ପୁରୁଷ (କୁମାର) । ରାଶି ଜାତି-ଶୂଦ୍ର । ରାଶି ପ୍ରକୃତି-ତ୍ରିଧାତୁ । ରାଶି ସ୍ୱଭାବ-କ୍ରୁର ସ୍ୱଭାବ । ରାଶି ଅଙ୍ଗ-ଦୁଇକାନ୍ଧ । ରାଶିର ଶୁଭରତ୍ନ-ପାନ୍ନା । ରାଶିର ଶୁଭ ରଙ୍ଗ-ଶାଗୁଆ । ରାଶିର ଶୁଭବାର-ବୁଧବାର । ରାଶିର ଶୁଭ ଦେବତା- ଶ୍ରୀଗଣେଶ ।
ରାଶିର ଶୁଭଦେବୀ-ତ୍ରିପୁରାସୁନ୍ଦରୀ । ରାଶିର ବ୍ରତ, ଉପବାସ-ବୁଧବାର । ରାଶିର ଅଙ୍କ ବା ସଂଖ୍ୟା-୫ । ରାଶିର ତାରିଖ-୫, ୧୪, ୨୩ । ରାଶିର ମିତ୍ର ରାଶି- ମେଷ, ତୁଳା, କୁମ୍ଭ, ସିଂହ, କନ୍ୟା । ରାଶିର ଶତୃ ରାଶି-କର୍କଟ । ଘାତବାର-ସୋମବାର, ଘାତନକ୍ଷତ୍ର-ସ୍ୱାତୀ, ଘାତତିଥି-ଅଷ୍ଟମୀ, ଘାତଚନ୍ଦ୍ର- କୁମ୍ଭଚନ୍ଦ୍ର । ରାଶି ବ୍ୟକ୍ତିତ୍ୱ-ଚତୁର, ବୁଦ୍ଧିମାନ, ଦୂରଦର୍ଶୀ, ବିଦ୍ଵାନ, ପଣ୍ଡିତ, ଗଣିତଶାସ୍ତ୍ର ବିଷାରଦ ଓ ଅନେକ କ୍ଷେତ୍ରରେ ମୁଖ୍ୟ ଭୂମିକା ଗ୍ରହଣ କରିଥାନ୍ତି । ରାଶିର ସକରାତ୍ମକ ତଥ୍ୟ-ବାକ୍ପଟୁ, ବ୍ୟବସାୟ କୁଶଳ, ଟିକିନିଖି ହିସାବ ପରେ ସିଦ୍ଧାନ୍ତ ନେଇଥାନ୍ତି । ରାଶିର ନକରାତ୍ମକ ତଥ୍ୟ-ନିର୍ମୋହୀ, ଆତ୍ମକେନ୍ଦ୍ରିକ ଓ ବେଳେବେଳେ ନିଷ୍ଠୁର ହୋଇଥାନ୍ତି । ରାଶିର ନକ୍ଷତ୍ର- ମୃଗଶିରା, ଆର୍ଦ୍ରା, ପୁନର୍ବସୁ ।
ରାଶିର ନକ୍ଷତ୍ର :-
ମୃଗଶିରା- ଯଦି ଆପଣଙ୍କ ନାମର ପ୍ରଥମ ଅକ୍ଷର ତୃତୀୟ ଓ ଚତୁର୍ଥ ଚରଣରେ କା, କୀ ହୋଇଥାଏ ତେବେ ଆପଣଙ୍କର ମିଥୁନରାଶି ମୃଗଶିରା ନକ୍ଷତ୍ରରେ ୭ବର୍ଷ ମଙ୍ଗଳଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ବର୍ଗ-ବିଲେଇ, ଯୋନି-ସର୍ପ, ଗଣ-ଦେବତା, ବର୍ଣ୍ଣ-ଶୂଦ୍ର, ଦିଗ-ପୂର୍ବ, ହଂସକ ବା ତତ୍ୱ-ବାୟୁ, ନାଡ଼ୀ-ଅନ୍ତ୍ୟ, ପାଦ-ସୁବର୍ଣ୍ଣ ହେବ । ଆପଣ ବିଦ୍ୟାଧ୍ୟୟନ, ଶିଳ୍ପୀ, ବହୁତ ଚତୁର, ସୁନ୍ଦର ଓ ମଧ୍ୟମ ଧରଣର ଚେହେରା, ଆର୍ଥିକ ଦୃଷ୍ଟିକୋଣରେ ମିତବ୍ୟୟୀ ଓ ବୁଝି ବିଚାରୀ ଖର୍ଚ୍ଚ କରନ୍ତି, ପ୍ରଗତିରେ ନିରନ୍ତର ବାଧା ଲାଗିରହେ ଓ ଜୀବନରେ ପରିବର୍ତ୍ତନ ହୁଏ । ପ୍ରାୟତଃ ଗୋଟିଏ ଧନ୍ଦାକୁ ଛାଡି ଅନ୍ୟ ଧନ୍ଦାରେ ମତି ରହେ ।
ଆର୍ଦ୍ରା- ଯଦି ଆପଣଙ୍କ ନାମର ପ୍ରଥମ ଅକ୍ଷର କୁ, ଧ, ଡ, ଛ ହୋଇଥାଏ ତେବେ ଆପଣଙ୍କର ମିଥୁନରାଶି ଆର୍ଦ୍ରା ନକ୍ଷତ୍ରରେ ୧୮ବର୍ଷ ରାହୁଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ପ୍ରଥମ, ଦ୍ଵିତୀୟ ଓ ତୃତୀୟ ଚରଣର ବର୍ଗ-ବିଲେଇ ଓ ଚତୁର୍ଥ ଚରଣରେ ବର୍ଗ-ସିଂହ, ଯୋନି-ସ୍ୱାନ, ଗଣ-ମାନବ, ବର୍ଣ୍ଣ-ଶୂଦ୍ର, ଦିଗ-ଐଶାନ୍ୟ, ହଂସକ ବା ତତ୍ୱ-ବାୟୁ, ନାଡ଼ୀ-ଅନ୍ତ୍ୟ, ପାଦ-ଚାନ୍ଦି ହେବ । ଆପଣ କ୍ରୟ-ବିକ୍ରୟରେ ନିପୁଣ, କ୍ରୋଧୀ, ଗର୍ବୀ ଓ ଆର୍ଦ୍ରା ନକ୍ଷତ୍ରର ସ୍ୱାମୀ ରୁଦ୍ର ହୋଇଥିବାରୁ କ୍ଷଣେରୁଷ୍ଟ କ୍ଷଣେତୁଷ୍ଟ ସ୍ଵଭାବ ପ୍ରକାଶ ପାଏ ।
ପୁନର୍ବସୁ- ଯଦି ଆପଣଙ୍କ ନାମର ପ୍ରଥମ ଅକ୍ଷର କେ, କୋ, ହା ହୋଇଥାଏ ତେବେ ଆପଣଙ୍କର ମିଥୁନରାଶି ପୁନର୍ବସୁ ନକ୍ଷତ୍ରରେ ୧୬ବର୍ଷ ଗୁରୁଙ୍କ ମହାଦଶାରେ ଜନ୍ମ ହୋଇଛି । ଆପଣଙ୍କ ପ୍ରଥମ ଦ୍ୱିତୀୟ ଚରଣର ବର୍ଗ-ବିଲେଇ ଓ ତୃତୀୟ ଚରଣର ବର୍ଗ-ହରିଣ, ଯୋନି- ବିଲେଇ, ଗଣ-ଦେବତା, ବର୍ଣ୍ଣ-ଶୂଦ୍ର, ଦିଗ-ବାୟୁ, ହଂସକ ବା ତତ୍ୱ-ବାୟୁ, ନାଡ଼ୀ-ମଧ୍ୟ, ପାଦ-ଚାନ୍ଦି ହେବ । ଆପଣ ଧନ ଏକତ୍ରିତ କରିବାରେ ନିପୁଣ ହୁଅନ୍ତି । ନିଜର ଦୂରଦୃଷ୍ଟି ଓ ଇଛାରେ ବିଶେଷ ନିୟନ୍ତ୍ରଣ ରହିଥାନ୍ତି ।
ଶୁଭଫଳ ପାଇବା ପାଇଁ ୧- ଈଶ୍ୱରଙ୍କ ପ୍ରତି ବିଶ୍ୱାସ ରଖନ୍ତୁ ଓ ଧର୍ମ ପ୍ରତି ଆସ୍ଥାବାନ ହୁଅନ୍ତୁ । ୨- ମାସର ଯେକୌଣସି ବୁଧବାରଦିନ ମନ୍ଦିରକୁ ଯାଇ ପୂଜା ଅର୍ଚ୍ଚନା କରି ପ୍ରସାଦ ଭୋଗ କରନ୍ତୁ । ୩- ପ୍ରତ୍ୟେକବର୍ଷ ଜନ୍ମଦିନରେ ଚନ୍ଦ୍ରଙ୍କ ସମ୍ବନ୍ଧିତ ବସ୍ତୁ ଯଥା- ମୋତିରତ୍ନ, ରୂପା, ଅରୁଆଚାଉଳ, ମିଶ୍ରି, ଦହି, ଧଳାବସ୍ତ୍ର, ଧଳାଫୁଲ, ଶଙ୍ଖ, କର୍ପୁର, ଧଳା ଚନ୍ଦନ ଆଦି ଶକ୍ତି ଅନୁସାରେ ଯେକୌଣସି ଦ୍ରବ୍ୟ ଦାନ କରନ୍ତୁ । ୪- ନିଜର ଚରିତ୍ର ସ୍ୱଭାବକୁ ଉଜ୍ୱଳ ରଖନ୍ତୁ । ୫- ମାଆ ବାପାଙ୍କ ସେବା କରି ଆଶୀର୍ବାଦ ଗ୍ରହଣ କରନ୍ତୁ । ୬- ବିବାହ ସମୟରେ ଚନ୍ଦ୍ର ସମ୍ବନ୍ଧିତ ବସ୍ତୁ ଦାନ ରୂପରେ ଗ୍ରହଣ କରନ୍ତୁ । ୭- ବୃଦ୍ଧାବୃଦ୍ଧ ମାନଙ୍କୁ ଧଳା ରଙ୍ଗର ବସ୍ତ୍ର ଦାନ କରିଲେ ଶୁଭ ହୋଇଥାଏ । ୮- ପ୍ରତି ବୁଧବାର ଦିନ ବରଗଛରେ ପାଣି ଦିଅନ୍ତୁ ।
