ହିନ୍ଦୁ ମାନ୍ୟତା ଅନୁସାରେ ତୁଳସୀ ଗଛକୁ ବହୁତ ମହତ୍ଵ ଦିଆଯାଇଛି । ଏହି ଗଛକୁ ଦେବତୁଲ୍ୟ ମନାଯାଏ ଓ ହିନ୍ଦୁ ପରିବାରରେ ଏହି ତୁଲସୀକୁ ପୂଜା ମଧ୍ୟ କରାଯାଏ । ହିନ୍ଦୁ ଧର୍ମରେ ପ୍ରତ୍ୟେକ ଘରର ବାହାରକୁ ବା ଅଗଣାରେ ତୁଳସୀ ଗଛ ଲଗାଇବା ନିୟମ ରହିଛି । ଧାର୍ମିକ ମହତ୍ଵ ପାଇବା ସହିତ ଏହି ତୁଳସୀ ପତ୍ର ସ୍ୱାସ୍ଥ୍ୟ ପାଇଁ ମଧ୍ୟ ବହୁତ ଫାଇଦା ମିଳିଥାଏ । ଏହି ପତ୍ରକୁ ଖାଦ୍ୟର ସ୍ଵାଦ ବଢାଇବା ପାଇଁ ମଧ୍ୟ ବ୍ୟବହାର କରାଯାଏ । ପ୍ରତିଦିନ ତୁଳସୀ ଗଛକୁ ପୂଜା କରିବା ଓ ଜଳ ଅର୍ପଣ କରିବା ପ୍ରାଚୀନ କାଳର ପରମ୍ପରା ଅଟେ ।
ଯେଉଁ ଘରେ ସବୁ ଦିନ ତୁଳସୀ ଗଛକୁ ପୂଜା କରାଯାଏ ସେହି ଘରେ ସୁଖ, ସମୃଦ୍ଧତା ଓ ସୌଭାଗ୍ୟ ପ୍ରାପ୍ତି ହୁଏ । କେବେ ମଧ୍ୟ ଅର୍ଥର ଅଭାବ ହୁଏ ନାହିଁ । ତେଣୁ ପ୍ରତିଦିନ ତୁଳସୀ ଗଛକୁ ପୂଜା କରିବା ଓ ଜଳ ଅର୍ପଣ କରିବା ଉଚିତ୍ । ଯେଉଁ ବ୍ୟକ୍ତି ପ୍ରତିଦିନ ତୁଳସୀ ପତ୍ର ଖାଏ, ସେହି ବ୍ୟକ୍ତିର ଶରୀର ଅନେକ ପ୍ରକାର ରୋଗରୁ ରକ୍ଷା ପାଇଥାଏ । ତେଣୁ ଏହି ପତ୍ରକୁ ତୋଳିବା ପୂର୍ବରୁ ୬ଟି ନିୟମ ପ୍ରତି ନିଶ୍ଚୟ ଧ୍ୟାନ ରଖିବା ଜରୁରୀ ଅଟେ ।
ବିଶେଷ କରି ତୁଳସୀ ପତ୍ର ଖାଇଲେ ଥଣ୍ଡା, କାଶ, ଜ୍ଵର ଭଳି ସମସ୍ୟାରୁ ରକ୍ଷା ମିଳିଥାଏ । ସେଥିପାଇଁ ଲୋକମାନେ ତୁଳସୀ ପତ୍ରକୁ ତୋଳିଥାନ୍ତି । କିନ୍ତୁ ଶାସ୍ତ୍ରରେ ତୁଳସୀ ପତ୍ରକୁ ତୋଳିବାର କିଛି ନିୟମ କୁହାଯାଇଛି ।
୧- ତୁଳସୀ ପତ୍ରକୁ ନଖରେ ତୋଳିବ ନାହିଁ-
ଅନେକ ଲୋକମାନେ ଏହି ପତ୍ରକୁ ତୋଳିବା ପାଇଁ ନିଜ ନଖକୁ ବ୍ୟବହାର କରିଥାନ୍ତି । ଏହାକୁ ନଖ ନ ଲଗାଇ ଆଙ୍ଗୁଠି ଦ୍ଵାରା ତୋଳିବେ । ତୁଳସୀ ଗଛରୁ ଝଡି ପଡିଥିବା ପତ୍ରକୁ ବ୍ୟବହାର କରିବା ଉଚିତ୍ ।
୨- କେଉଁ ବାରରେ ତୁଳସୀ ପତ୍ର ତୋଳିବ ନାହିଁ-
ଶାସ୍ତ୍ର ଅନୁସାରେ ରବିବାର ଦିନ ତୁଳସୀ ପତ୍ର କଦାପି ତୋଳିବ ନାହିଁ । ସେହିପରି ଅମାବାସ୍ୟା, ଚତୁର୍ଦ୍ଦଶୀ ଓ ଦ୍ଵାଦଶୀ ତିଥିରେ ମଧ୍ୟ ତୁଳସୀ ପତ୍ର ତୋଳିବା ଅଶୁଭ ବୋଲି କୁହାଯାଏ । ରବିବାର ଦିନ ତୁଳସୀ ଗଛରେ ଜଳ ମଧ୍ୟ ଅର୍ପଣ ନ କରିବା ଉଚିତ୍ । ଯେଉଁ ବ୍ୟକ୍ତି ଏହି ଦିନ ମାନଙ୍କରେ ତୁଳସୀ ପତ୍ର ତୋଳିଥାଏ ସେହି ବ୍ୟକ୍ତି ଆର୍ଥିକ ସମସ୍ୟାର ସାମ୍ନା ଅକରିବାକୁ ପଡିଥାଏ ।
୩- କେଉଁ ସମୟରେ ତୁଳସୀ ପତ୍ର ତୋଳିବ ନାହିଁ-
ସୂର୍ଯ୍ୟ ଅସ୍ତ ହେବା ପରେ ତୁଳସୀ ପତ୍ର ନ ତୋଳିବା ଉଚିତ୍ । ଶାସ୍ତ୍ରରେ କୁହାଯାଇଛି ଯେ ସନ୍ଧ୍ୟା ସମୟରେ ଦେବୀ ତୁଳସୀ ଯାହାକୁ ଶ୍ରୀ ରାଧାଙ୍କ ସ୍ୱରୂପ ମନାଯାଇଛି, ସେ ବଣରେ ଶ୍ରୀ କୃଷ୍ଣଙ୍କ ସହିତ ରାସ କରିବା ପାଇଁ ଯାଇଥାନ୍ତି । ଯଦି ତାଙ୍କ ରାସରେ କିଏ ବାଧା ଉତ୍ପନ୍ନ କରେ ତେବେ ସେ ରାଧାଙ୍କ ସହିତ ଶ୍ରୀ କୃଷ୍ଣଙ୍କର କ୍ରୋଧ ମଧ୍ୟ ଭୋଗ କରିବାକୁ ପଡିଥାଏ । ଏହା ବ୍ୟତୀତ ଚନ୍ଦ୍ର ଓ ସୂର୍ଯ୍ୟ ଗ୍ରହଣ ସମୟରେ ମଧ୍ୟ ତୁଳସୀ ପତ୍ର ନ ତୋଳିବା ଉଚିତ୍ ।
୪- ତୁଳସୀ ପତ୍ରକୁ କେତେବେଳେ ଛୁଇଁବ ନାହିଁ-
ସବୁବେଳେ ଗାଧୋଇବା ପରେ ତୁଳସୀ ପତ୍ରକୁ ଛୁଇଁ ପାରିବେ । ଯଦି ତୁଳସୀ ପତ୍ର ଝଡି ତଳେ ପଡିଛି ତେବେ ମଧ୍ୟ ହାତକୁ ସଫା କରି ଛୁଇଁବେ । ଯଦି ଆପଣ ଘରେ ଲଡୁ ଗୋପାଳ କୃଷ୍ଣ ରଖିଛନ୍ତି ଓ ତାଙ୍କ ପାଖରେ ସେହି ତୁଳସୀ ପତ୍ର ରଖିଛନ୍ତି ବା ଭୋଗ ଲଗାଇବା ପାଇଁ ପୁରୁଣା ତୁଳସୀ ପତ୍ରର ବ୍ୟବହାର କରୁଛନ୍ତି, ତେବେ ୧୧ ଦିନରୁ ଅଧିକ ଦିନର ପତ୍ରକୁ ବ୍ୟବହାର କରନ୍ତୁ ନାହିଁ ।
୫- ମଉଳି ଯାଇଥିବା ଗଛ ବା ପତ୍ରକୁ କଣ କରିବ-
ଯଦି ଘରେ ତୁଳସୀ ଗଛ ବା ପତ୍ର ଶୁଖିଯାଇଛି ଓ ପତ୍ର କଅଁଳୁ ନାହିଁ ତେବେ ସେହି ଗଛକୁ ଘରେ ରଖନ୍ତୁ ନାହିଁ । ଏହାକୁ କାଢି ନଦୀରେ ବିସର୍ଜନ କରିଦିଅନ୍ତୁ । କାରଣ ଶୁଖିଯାଇଥିବା ତୁଳସୀ ଗଛ ଅଶୁଭ ବୋଲି କୁହାଯାଏ ।
୬-କେଉଁଥିରେ ତୁଳସୀ ପତ୍ର ଚଢାଇବ ନାହିଁ-
ଭଗବାନ ବିଷ୍ଣୁଙ୍କର ତୁଳସୀ ଅତି ପ୍ରିୟ ଅଟେ । ତେଣୁ ଭଗବାନ ବିଷ୍ଣୁଙ୍କୁ ସବୁ କ୍ଷେତ୍ରରେ ତୁଳସୀ ଅର୍ପଣ କରିପାରିବେ । ଭଗବାନ ଶିବ ଓ ଶ୍ରୀ ଗଣେଶଙ୍କୁ କଦାପି ତୁଳସୀ ପତ୍ର ଚଢାଇବ ନାହିଁ । କାରଣ ଶ୍ରୀ ରାଧା ଭଗବାନ ଶିବଙ୍କୁ ନିଜର ଆରାଧ୍ୟ ମାନନ୍ତି ଓ ତୁଳସୀ ଗଛ ଶ୍ରୀ ରାଧାଙ୍କର ଏକ ସ୍ୱରୂପ ଅଟେ ।
ବନ୍ଧୁଗଣ ଆପଣଙ୍କୁ କେମିତି ଲାଗିଲା ଲେଖାଟି କମେଣ୍ଟରେ ଲେଖିବେ ଓ ଶେୟାର କରିବେ । ଆଗକୁ ଆମ ସହ ରହିବା ପାଇଁ ଆମ ପେଜକୁ ଲାଇକ କରନ୍ତୁ ।
