ଆମ ସମସ୍ତଙ୍କ ସହିତ ଏମିତି କିଛି ଘଟିଥାଏ ଯେ ଆମେ ପୂଜା କରିବା ପାଇଁ ଦୀପ ଜଳାଇଥାଉ । ଯଦି କୌଣସି କାରଣରୁ ଦୀପ ଲିଭିଯାଏ ତେବେ ଆମ ମନରେ ଓ ପାଖରେ ଥିବା ଅନ୍ୟ ସଦସ୍ୟଙ୍କ ମନରେ ଆଶଙ୍କା ସୃଷ୍ଟି ହୁଏ । ଯାହାକି କିଛି ଅଶୁଭ ହେବାର ସଂକେତ ବୋଲି ଜାଣିଥାଉ । କଣ ସତରେ ଦୀପ ଲିଭିଯିବା ଏକ ଅଶୁଭ ସଂକେତ କି ? ଶୁଭ ଅଶୁଭ ମାନ୍ୟତା ଅନୁସାରେ ଏଷ୍ତ୍ରୋଟୈରୋ ନ୍ୟୂମରୋଲଜି ବାସ୍ତୁ ବା ଫେଙ୍ଗଶୁଇ ମତରେ ପୂଜା କରିବା ସମୟରେ ଦୀପ ଲିଭିଯିବା ଅଶୁଭ କୁହାଯାଏ କାହିଁକି ?
କୌଣସି ପୂଜା ଅନୁଷ୍ଠାନରେ ବା ଘରେ ପୂଜା କରିବାବେଳେ ଯଦି ଦୀପ ଲିଭିଯାଏ ତେବେ ସବୁ ଲୋକମାନେ ଚିନ୍ତିତ ହୋଇଯାଆନ୍ତି । ଦୀପ ଲିଭିବାକୁ ବହୁତ ଲୋକମାନେ ଅଶୁଭ ସଂକେତ ବୋଲି ମାନନ୍ତି । ଆଉ କେତେକ ଲୋକମାନେ କହିଥାନ୍ତି ଯେ ଭଗବାନ ପୂଜା ସ୍ଵୀକାର କଲେ ନାହିଁ । ଆମର ଗୁରୁଜନମାନେ ଦୀପ ଲିଭିବାକୁ ଅଶୁଭ ମାନନ୍ତି, ସେଥିପାଇଁ ଆମ ମନରେ ଆଶଙ୍କା ଆସେ ବା ଭୟ ସୃଷ୍ଟି ହୁଏ ।
ପୂଜା କରିବାବେଳେ ଯଦି ଦୀପ ଲିଭିଯାଏ ତେବେ ଏହି ଉପାୟ କରନ୍ତୁ-
ଯଦି ଆମେ ଦୀପ ଜଳେଇବା ପ୍ରକ୍ରିୟାକୁ ଆରମ୍ଭରୁ ସାବଧାନ ହେବା ତେବେ ଏହା ମନ୍ଦିର ହେଉ କିମ୍ବା ଘରେ ହେଉ ପ୍ରଥମେ ଦୀପକୁ ଭଲ ଭାବରେ ଧୋଇ ପରିଷ୍କାର କରିବେ । ପୁଣି ବତୀ ତିଆରି କରିବେ । କିଛି ଲୋକମାନେ ଏହି ବତୀ ତିଆରି କରିବା ବେଳେ ହାତରେ ବୁନ୍ଦାଏ ପାଣି ଲଗାଇ ବତୀ ତିଆରି କରିଥାଆନ୍ତି । ଏହାପରେ ବତିକୁ ଦୀପରେ ରଖି ସେଥିରେ ଘିଅ ବା ତେଲ ଦିଅନ୍ତୁ ।
ଏହି ପ୍ରକ୍ରିୟାରେ ଯଦି ଦୀପକୁ ଧୋଇବା ବେଳେ ପାଣିକୁ ଭଲରେ ନ ଶୁଖାଇଥିବେ, ଦୀପରେ ବତିକୁ ଠିକ୍ ଭାବରେ ନ ରଖିଥିବେ, ଅଶୁଦ୍ଧି ଘିଅ ହୋଇଥିବ, ବତୀ ତିଆରି କରିବା ବେଳେ ସେଥିରେ ଅଧିକ ପାଣି ଲାଗିଯାଇଥିବା ହେତୁ ଦୀପ ଭଲ ଭାବରେ ଜଳିବ ନାହିଁ । ଏହି ପରିସ୍ଥିତିରେ ଦୀପ ଲିଭିଯାଇପାରେ । ସେଥିପାଇଁ ଦୀପ ଲିଭିଯିବାକୁ ଅଶୁଭ ବୋଲି କହିବା ଅନୁଚିତ୍ ।
ଭଗବାନଙ୍କ ପାଖରେ କ୍ଷମା ପ୍ରାର୍ଥନା କରି ପୁଣି ଦୀପ ଲଗାଇପାରିବେ । ଆଢୁଆଳ ଜାଗାରେ ଦୀପ ଲଗେଇ ଯତ୍ନର ସହିତ କୌଣସି ନୂଆ ହାଣ୍ଡିରେ କିଛି ବାଲି ରଖି ତା ଉପରେ ଦୀପକୁ ରଖନ୍ତୁ ଓ ହାଣ୍ଡି ଉପରେ ଗୋଟିଏ ନୂଆ ସରା ବା ଢାଙ୍କୁଣୀ ଘୋଡେଇ ଦିଅନ୍ତୁ । ପୂଜାଶେଷ ପର୍ଯ୍ୟନ୍ତ ଦୀପ ଜଳୁଥିଲେ ପୂଜାର ଫଳ ନିଶ୍ଚୟ ପ୍ରାପ୍ତି ହେବ ।
