ଜ୍ୟୋତିଷ ଶାସ୍ତ୍ରରେ ଶୁକ୍ର ଗ୍ରହଙ୍କର ବିଶେଷ ମହତ୍ଵ ରହିଛି । ଏହି ଗ୍ରହ ଧନ, ମାତା ଲକ୍ଷ୍ମୀ ଦେବୀ ଓ ବୈଭବର କାରକ ହୋଇଥାନ୍ତି ବୋଲି କୁହାଯାଏ । ଶୁକ୍ର ଗ୍ରହଙ୍କ ପ୍ରଭାବ ଯେଉଁ ଜାତକ ଉପରେ ପଡେ ସେହି ବ୍ୟକ୍ତିର ଜୀବନରେ ପରିବର୍ତ୍ତନ ହୋଇଯାଏ । ଶୁକ୍ର ଗ୍ରହଙ୍କ ସମ୍ବନ୍ଧିତ ଜାତକ ଜୀବନରେ ବହୁତ ଉନ୍ନତି ହୋଇଥାଏ । ମାତା ଲକ୍ଷ୍ମୀ ଦେବୀଙ୍କ କୃପା ଦୃଷ୍ଟି ପ୍ରାପ୍ତି ହୋଇଥାଏ । ଜାତକ ଜୀବନରେ ବିଭିନ୍ନ କ୍ଷେତ୍ରରେ ଧନ ଆଗମନ ହୋଇଥାଏ । ଶୁକ୍ର ଗ୍ରହଙ୍କ ପ୍ରଭାବରେ ବ୍ୟକ୍ତିର ଦାମ୍ପତ୍ୟ ଜୀବନରେ ଖୁସି ମିଳିଥାଏ ।
ନିଜର ଜୀବନସାଥୀଙ୍କର ସଂପୂର୍ଣ୍ଣ ସହଯୋଗ ମିଳିଥାଏ । ଜାତକକୁ ବୈବାହିକ, ଶାରୀରିକ ଓ ଭୌତିକ ଜୀବନରେ ବହୁତ ସଫଳତା ମିଳିଥାଏ । ବୁଧ ଓ ଶନି ଗ୍ରହଙ୍କୁ ଶୁକ୍ର ଗ୍ରହଙ୍କର ମିତ୍ର କୁହାଯାଏ । ସୂର୍ଯ୍ୟ ଓ ଚନ୍ଦ୍ର ଗ୍ରହଙ୍କୁ ଶୁକ୍ର ଗ୍ରହଙ୍କର ଶତୃ କୁହାଯାଏ । ଶୁକ୍ର ଗ୍ରହଙ୍କର ଗୋଚର ସମୟ ୨୩ଦିନ ହୋଇଥାଏ । ଆସନ୍ତୁ ଜାଣିବା ଶୁକ୍ର ଗ୍ରହଙ୍କର ଗୋଚର ସମୟରେ କେଉଁ ୩ଟି ରାଶି ଅଛନ୍ତି ଯାହା କି ଶୁକ୍ର ଗ୍ରହଙ୍କ ପ୍ରଭାବରେ ଖୁବ୍ ଉନ୍ନତି କରିଥାନ୍ତି ।
ତୁଳା ରାଶି- ଏହି ରାଶିର ଜାତକ ବ୍ୟକ୍ତିମାନେ ବହୁତ ଖୁସିମିଜାଜର ହୋଇଥାନ୍ତି । ସେମାନେ ଗ୍ଲାମର ପରି ଜୀବନ ବିତେଇବାକୁ ପସନ୍ଦ କରନ୍ତି । ତାଙ୍କ ଜୀବନରେ ଅନେକ ସୁଖ ସୁବିଧା ମିଳିଥାଏ । ଏହି ରାଶିର ଲୋକମାନେ ବହୁତ ପରିଶ୍ରମୀ ହୁଅନ୍ତି । ନିଜର ଅସୁବିଧାକୁ ଦୂର କରିବା ପାଇଁ ଖୁବ୍ ପରିଶ୍ରମ କରନ୍ତି । ସବୁବେଳେ ଅନ୍ୟକୁ ସାହାଯ୍ୟ କରିବା ପାଇଁ ଆଗେଇ ଚାଲନ୍ତି । ସେମାନେ ଫ୍ୟାଶନକୁ ବହୁତ ଭଲ ପାଆନ୍ତି ।
ବୃଷ ରାଶି- ବୃଷ ରାଶିର ସ୍ଵାମୀ ବା ଅଧିପତି ଶୁକ୍ର ଗ୍ରହ ଅଟନ୍ତି । ଜ୍ୟୋତିଷଙ୍କ ମାନ୍ୟତା ଅନୁସାରେ ଏହି ରାଶି ସୌନ୍ଦର୍ଯ୍ୟ ଓ ସୁନ୍ଦରତାର ପ୍ରତୀକ ଅଟେ । ଏହି ରାଶିର ବ୍ୟକ୍ତିମାନେ ବୁଦ୍ଧିରେ ପ୍ରଖର ହୋଇଥାନ୍ତି । ତାଙ୍କୁ ପ୍ରଶାସନ ଓ ଶିକ୍ଷା କ୍ଷେତ୍ରରେ ବହୁତ ସଫଳତା ମିଳିଥାଏ । ଏହି ରାଶି ସହିତ ଜଡିତ ଲୋକମାନେ ସହନଶକ୍ତି ଅଧିକ ଥାଏ । ବୃଷ ରାଶିର ବ୍ୟକ୍ତିମାନେ ଜୀବନରେ ନିଜ ପରିଶ୍ରମରେ ବହୁତ ଧନ ଅର୍ଜନ କରିଥାନ୍ତି ।
ମୀନ ରାଶି- ମୀନ ରାଶି ଶୁକ୍ରଙ୍କର ଉଚ୍ଚ ରାଶି ଅଟେ । ଏହି ରାଶି ସହିତ ଜଡିତ ଲୋକମାନେ ବହୁତ ବୁଦ୍ଧିମାନ ହୋଇଥାନ୍ତି । ସେମାନେ କଳାପ୍ରେମୀ ଓ ନିଜର ପ୍ରୋଫେଶନ ପାଇଁ ଚିନ୍ତା ମଧ୍ୟ କରନ୍ତି । ଏହା ବ୍ୟତୀତ ଏହି ରାଶିର ଲୋକମାନେ ଚିକିତ୍ସା, ଜୀବ ବିଜ୍ଞାନ ଓ ସଙ୍ଗୀତ କ୍ଷେତ୍ରରେ ମଧ୍ୟ ଭଲ ପ୍ରଦର୍ଶନ କରନ୍ତି ।
ଏହି ଲୋକମାନଙ୍କର ଦୃଷ୍ଟିକୋଣ ଆଧ୍ୟାତ୍ମିକ ହୋଇଥାନ୍ତି । ତେଣୁ ଜୀବନରେ ସବୁବେଳେ ଉନ୍ନତି କରିଥାନ୍ତି । ଏମାନେ ଯେ କୌଣସି କାର୍ଯ୍ୟକୁ ମନ ଦେଇ କାର୍ଯ୍ୟ କରିଥାନ୍ତି । ତେଣୁ ସବୁ କାର୍ଯ୍ୟରେ ସଫଳତା ମିଳିଥାଏ । ଏହି ଲୋକମାନଙ୍କର ମନ ଧାର୍ମିକଭାବ ହୋଇଥାଏ । ତେଣୁ ଧର୍ମ କାର୍ଯ୍ୟ କ୍ଷେତ୍ରରେ ଖୁବ୍ ରୁଚି ହୋଇଥାଏ ।
