ବେତ ମାଡକୁ ଡରି ବହି ବସ୍ତାନି ଧରି
ଲୁଚିଚି କେବେ ଯାଇ ଆମ୍ବ ତୋଟାରେ
କେବେ ନଇ ପଠାରେ
ହୋ ପୁରୁଣା ଖାତା ଚିରି କାଗଜ ଡ଼ଙ୍ଗା କରି
ଭସେଇ ଦେଇଚି ମୁଁ
ବରଷା ଧାରେ ଘରେ ଦାଣ୍ଡ ଦୁଆରେ
ବୋଉକୁ କେତେ ମିଛ କହିଚି
ଖରା ବେଳେ ଲୁଚି ଆମ୍ବ ତୋଳିଚି
ଚୋରି କରି ପୁଣି ଧରା ପଡିଚି
କାନ ଧରି ଉଠୁ ବସ ହେଇଚି
ହେ ସମୟ ନେହୁରା ହୋଉଚି ଅଳି ମୁଁ କରୁଚି
ମୋ ଦୁଷ୍ଟାମି ଦିନକୁ ଦିଅ ଫେରେଇ
ମୋ ଦୁଷ୍ଟାମି ଦିନକୁ ଦିଅ ଫେରେଇ
ହେ ସମୟ ବୟସକୁ ମୋର ନେଲୁ ଚୋରେଇ

ତଳ ଉପର ହେଇ ଭାଇ ଭଉଣୀ ଦୁଇ
କରିଚୁ ବାଦ କେତେ ରୁଷିଚୁ କେତେ
ଛୋଟ ଛୋଟ କଥାରେ
ହୋ ବୋଉକୁ ଫୁସୁଲେଇ ବାପାଙ୍କୁ ନ ଜଣେଇ
ନାଟ ଦେଖିବାକୁ ମୁଁ
ଲୁଚି ଲୁଚି ଯାଇଚି ରାତି ଅଧରେ
ମାମୁଁ ଘରେ ଖରା ଛୁଟି କାଟିଚି
ଗଛ ଉପରୁ ଖସି ପଡିଚି
ବଢ଼ି ପାଣିରେ ମାଛ ଧରିଚି
ବାଣ ଫୁଟେଇ ହାତ ପୋଡିଚି
ହେ ସମୟ ନେହୁରା ହୋଉଚି ଅଳି ମୁଁ କରୁଚି
ମୋ ହଜିଲା ଦିନକୁ ଦିଅ ଫେରେଇ
ମୋ ହଜିଲା ଦିନକୁ ଦିଅ ଫେରେଇ

ହେ ସମୟ ବୟସକୁ ମୋର ନେଲୁ ଚୋରେଇ
ହେ ସମୟ ବୟସକୁ ମୋର ନେଲୁ ଚୋରେଇ
କୋଉ ସିନ୍ଦୁକରେ ଦେଲୁ ଲୁଚେଇ
କୋଉ ସିନ୍ଦୁକରେ ଦେଲୁ ଲୁଚେଇ
ହେ ସମୟ ନେହୁରା ହୋଉଚି ଅଳି ମୁଁ କରୁଚି
ମୋ ପିଲା ଦିନ ମତେ ଦିଅ ଫେରେଇ
ମୋ ପିଲା ଦିନ ମତେ ଦିଅ ଫେରେଇ
ମୋ ଦୁଷ୍ଟାମି ଦିନକୁ ଦିଅ ଫେରେଇ
ମୋ ହଜିଲା ଦିନକୁ ଦିଅ ଫେରେଇ